青梅炆豬手

January 12, 2014, Sunday Night

呢一年飲咗好多梅酒, 飲完的酒剩咗的青梅, 掉咗又唔係, 但食又唔好食.


我用玻璃盒留起的青梅, 今日用嚟炆豬手.  不過一次唔使用咁多, 用十粒八粒試吓, 睇吓係咪自己喜歡的味道.

買了急凍豬手, 解凍後汆水

為了省時間, 用高速煲煮了十分鐘.   將豬手取出再加青梅, 用老抽生抽糖來炆, 炆的時間就可以縮短很多.

大約炆了20-30分鐘就可以了

 不會大腍, 仍有少少咬口.   炆起味道十分好, 有梅的清香, 型爸大讚, very nice.

可惜二公子不喜歡豬手, 要另外煎豬扒給他叫

今餐還有薑汁芥蘭

蒸鰻魚乾, 從寧波買回來, 第一次蒸來食, 原來好似鹹鮮咁.

粟米紅蘿蔔豬骨湯

 四個餸一個湯, 三個人吃, 又多了點.

我跟型爸將豬手全吃光(其實都只是十件八件).  最想不到, 炆了豬手的青梅, 味道非常唔錯.

吃了豬手, 其他餸就吃不下, 豬扒就要二公子幫手啦吃啦.

豬手非常肥膩, 不可以常吃, 但這味青梅豬手, 下次一定會再炆.